Passpore Loro (Jawa Ngapak)

Warga Indonesia tekan Sabang sampe Merauke kayane aben kecamatan, ora salah siji mesti ana sing nang Malaysia.

Wis ora aneh nek wong Indonesia pada lunga meng Malaysia. Nggolet duit, nggolet ilmu lan melancong alias plesiran. Werna-werna alesan wong pengin meng Malaysia.

Sing jerene Malaysia musuhe Indonesia tapi kenangapa akeh sedulure dewek sing mak’sakna dewek lunga meng tangga perek alias negri Jiran. Wis akeh cerita sedulure dewek sing balik meng Indonesia, raine lan awake ora genah rupane mergane disiksa nang majikane, ana sing balik tekan ngumah ora ana nyawane alias balik meng umah gari jenenge tok. Gue kabeh ya ora ndadikna wedi atawa kapok kanggo sadulure inyong lunga meng Malaysia.

Ora mukur siji loro, ora mukur sepuluh rong puluh, ora mukur satus rongatus, ora mukur sewu rong ewu, tapi jutaan wong Indonesia nang malaysia. Werna-werna visa passpore, ana sing permit nyambetgawe, ana sing visa sinau, ana sing visane melancong otawa plesiran, ana sing kosong blong alisa ora due babarblas identitas mukur tesih kemutan nek deweke ya warga Indonesia buktine nek ana polis ya pada wedi ketangkep (pada melayu).

Inyong pengin cerita sing bisa dadi bukti nek sedulure dewek pada maksa meng malaysia.

Ceritane kayagie, celuk bae batirku jenenge dulah (ngapurane ya nek ana sing jenenge dulah).
Dulah gue batirku kenanal nang Malaysia, Dulah wis sue nang malaysia. Setahun rong taun sampe limang taun permite kerja kontrek alias kerja kasar bangunan. Mbasa mlebu enem tahun ora bisa disambung maning nang imigrasi Putrajaya sing jerene ana peraturan anyar tekan nduwurane. Dul terus bingung dadine visane sing maune bisa nyambung amben taun sepisan siki dadi ora bisa nyambung amben taun.

Ora gelem diarani “pendatang haram” mergane ora due visa atau permit dadine  tiap wulan balik atau passing-ngecop sebabe ndakan sewaktu-wektu kena demek nang polis. Cerita Dul saiki visane melancong sing umure mukur sebulan alias 30 dina, dadi amben sebulan sekali dul kudu balik utawane mentu tekan Malaysia  mengendi bae (Indonesia, Singapur, thailan) sing penting bisa ngecop ulih visa melancong sebulan. Tapi biasane mentu meng Medan, Dumai, nek agi due duit pengin mlaku-mlaku meng Singapur utawane meng Thailan mergane daerah-daerah gue sing paling perek lan kepenak go ngarah cop-copan visa sebulan. Saiki anak kebijakan maning sekan duwurane yague nek wong sing metu terus arep mlebu maning. Tapi alesane mukur melancong ora bisa doglos. Mentu tekan Malaysia terus mlebu maning minimal seminggu mbene bisa mlebu maning, padahal mbien ulih.

Due paspor loro. Cara politike dul saiki due passpor loro siji nang Indonesia siji nang Malaysia. Mbene wis tak citakna nang duwur kan?, nek arep ngecop lunga tekan Malaysia trus mlebu maning (doglos) kan ora bisa nunggu pirang dina sit mbene bisa mlebu maning. Nah dul ora kepengi wektu kerjane kepotong mukur ngenteni pirang dina nang Indonesia terus mblebu maning dadine dul gawe passpor maning. Dul due passpor loro sing jeneng beda. Siji jenenge Dul Kemit passpor asline, Dul mitro passpor palsune (gie jenenge ngarang luh tapi ceritane bener).

Carane dul kaya gie misale dina siki dul metu tekan Malaysia liwat Pidi (Port Dikson) Negri Sembilan, Seremban medun meng Dumai. Nah tekan dumai rehat paling mukur sedina sewengi mlebu maning meng malaysia tekan Dumai medun meng Port Klang Selangor. Mentu-Mlebu beda pelabuhan men ora ngetoni pegawai imigrasi.

Nah kayague ceritane. Benerkan nek wong Indonesia pada mak’sa. Werna-werna cara dilakukana mukur pengin golet duit nang negri Jiran. Wis udu rahasia maning pancen nek nang Indonesia angel ngolet penggawean sing upaeh sebanding karo penggaweane. Tekan kene bae sit cerita ne inyong ya kapan-kapan cerita maning.

About these ads